پاکستان ہماری لالچ کی قیمت چکا رہا ہے’، برطانوی ایم پی نے عالمی برادری کو آڑے ہاتھوں لے لیا

 ‘پاکستان ہماری لالچ کی قیمت چکا رہا ہے’، برطانوی ایم پی نے عالمی برادری کو آڑے ہاتھوں لے لیا

31 اگست‬‮ 2022

برطانیہ کی رکن پارلیمنٹ کلاڈیا ویب کا کہنا ہے کہ پاکستان ہماری لالچ کی قیمت چکانے پر مجبور ہے۔

 برطانیہ کی رکن پارلیمنٹ کلاڈیا ویب نے ٹوئٹر پر جاری بیان میں کہا کہ پاکستان گرین ہاؤس عالمی اخراج کے صرف ایک فیصدحصے کا ذمہ دارہے مگر ماحولیاتی تبدیلیوں میں پاکستان سرفہرست 10 ممالک میں شامل ہے۔

رکن پارلیمنٹ نےعالمی برادری کا ضمیر جھنجوڑتے ہوئے کہ پاکستان ہماری لالچ کی قیمت چکانے پر مجبورہے۔انہوں نے کہا کہ قطب شمالی کے بعد سب سے زیادہ گلیشیئرز پاکستان میں ہیں جن کی تعداد7 ہزار 253 گلیشئرز ہیں، تمام گلیشیئرز تیزی سے پگھل رہے ہیں

https://youtube.com/channel/UC_hmzvnRcyaDVAKiEuqT-hw۔

https://www.facebook.com/COLLECTIONAWAN/

awancollection01.blogspot.com

حکومت ایک بار پھر عمران خان کو الیکشن لڑنے سےروکنے میں ناکام

 حکومت ایک بار پھر عمران خان کو الیکشن لڑنے سےروکنے میں ناکام

17 اگست‬‮ 2022

ضمنی انتخابات میں عمران خان کے قومی اسمبلی کے 9 حلقوں سے الیکشن لڑنے کے اعلان پر اعتراضات دائر کرنے کے سلسلے میں حکومت کو قانونی ماہرین کی حمایت نہ مل سکی۔

الیکشن کمیشن نے پی ٹی آئی ارکان کے استعفوں کے بعد خالی ہونے والی 9 نشستوں پر 25 ستمبر 2022 کو ضمنی الیکشن کا شیڈول جاری کر رکھا ہے۔عمران خان نے تمام حلقوں میں خود الیکشن لڑنے کا فیصلہ کرتے ہوئے کاغذات نامزدگی داخل کر دیے ہیں۔

دوسری جانب حکومت نے عمران خان کے اس فیصلے کے خلاف اعتراضات دائرکرنے کا فیصلہ کرلیا ہے اور اس حوالے سے مسلم لیگ ن اور حکومتی اتحادیوں کے قانونی مشیروں نے کام مکمل کرلیا ہے۔

مسلم لیگ ن لائرز ونگ کے صدر فضل الرحمن نیازی ، پیپلز پارٹی کے رہنما اور اسلام آباد ہائیکورٹ بار ایسوسی ایشن کے سابق صدر ہارون الرشید اور سابق ڈپٹی اٹارنی جنرل سید محمد طیب سے جب اس ضمن میں رائے لی گئی تو ان کا مؤقف تھا کہ الیکشن کمیشن کی طرف سے ایک سے زیادہ حلقوں سے الیکشن لڑنے پر کوئی قدغن نہیں 

https://youtube.com/channel/UCFy_V8lbxLu4XYPnDfpISCw

https://www.facebook.com/groups/1571009306449358/

ایمازون کی جانب سے 13000 سے زیادہ پاکستانی سیلر اکاؤنٹس کو بند کر دیا

 نجی ٹی وی" ایکسپریس نیوز" کے مطابق ایمازون کی جانب سے 13000 سے زیادہ پاکستانی سیلر اکاؤنٹس کو بند کر دیا گیا، ایمازون نے پنجاب کے شہروں میاں چنوں اور ساہیوال کو فراڈ ریڈ زون قرار دیا ہے۔ان علاقوں سے کام کرنے والے سیلرز دھوکا دہی کی سرگرمیوں میں ملوث پائے گئے ہیں۔

ایمازون نے میاں چنوں کے آئی پی ایڈریسز بھی بلاک کردیے ہیں اب ان علاقوں کے لوگ دبئی سے یا دوسرے کلائنٹس کے کمپیوٹرز کے ذریعے اکاؤنٹس چلا رہے ہیں۔

صدر مملکت کی ہیلی کاپٹر حادثے کے شہدا کے لواحقین سے تعزیت

 صدر مملکت کی ہیلی کاپٹر حادثے کے شہدا کے لواحقین سے تعزیت

7 اگست‬‮ 2022

 

صدر مملکت ڈاکٹر عارف علوی نے کہا ہے کہ شہدا کی قربانیوں کی وجہ سے ہی پاکستان قائم ہے۔

صدر مملکت ڈاکٹر عارف علوی نے بلوچستان ہیلی کاپٹر حادثے کے شہدا کے لواحقین سے ٹیلی فون پر اظہارِ تعزیت کیا۔ صدر ڈاکٹر عارف علوی نے لیفٹیننٹ جنرل سرفراز علی شہید اور بریگیڈیئر امجد حنیف شہید کے ورثا سے گفتگو کی۔

صدر مملکت نے بریگیڈیئر خالد شہید، میجر سعید احمد شہید اور میجر طلحہ منان شہید کے ورثا سے بھی بات کی۔ ڈاکٹر عارف علوی نے شہدا کے لواحقین سے اظہار تعزیت کیا اور شہدا کی قربانیوں کو خراج عقیدت پیش کیا۔

ڈاکٹر عارف علوی نے کہا کہ انہی شہدا کی قربانیوں کی بل بوتے پر پاکستان قائم ہے۔ یہ سب راہ حق کے شہید ہیں اور ان ہی کی قربانیوں کی وجہ سے ہمارا ملک مضبوط ہے۔انہوں نے کہا کہ ایسے واقعے پر ہماری آنکھیں اشک بار ہیں اور ہمیں اپنے بہادر سپوتوں پر فخر ہے جبکہ قوم اور شہدا کے لواحقین اپنے ان بہادر سپوتوں پر ہمیشہ فخر کرتے رہیں گے۔

فواد چوہدری نے رانا ثناء اللّٰہ کو اوقات یاد کروادی

 فواد چوہدری نے رانا ثناء اللّٰہ کو اوقات یاد کروادی

7 اگست‬‮ 2022

 

پاکستان تحریک انصاف (پی ٹی آئی) کے رہنما اور سابق وزیر اطلاعات فواد چوہدری نے رانا ثناء اللّٰہ کے بیان پر ردعمل دیتے ہوئے کہا ہے کہ رانا صاحب اپنی اوقات کے مطابق بات کیا کریں۔

سماجی رابطے کی ویب سائٹ ٹوئٹر پر جاری اپنے بیان میں فواد چوہدری نے کہا کہ رانا صاحب، آپ تھانہ کوہسار کے ایس ایچ او ہیں، اس سے زیادہ آپ کی حیثیت نہیں۔فواد چوہدری کا کہنا ہے کہ رانا صاحب، یہ نہ ہو کہ آپ کو لینے کے دینے پڑ جائیں۔

سابق وفاقی وزیر نے یہ بھی کہا کہ بہادر آپ اتنے ہیں جب سے حکومت تبدیل ہوئی آپ فیصل آباد نہیں گئے، رانا صاحب، احتیاط اچھی چیز ہے۔رانا ثناء اللّٰہ نے کہا تھا کہ عمران خان پوری قوم کے سامنے ایکسپوز ہوچکے، یہ اب اس سے بچنا چاہتے ہیں۔

انہوں نے کہا کہ پی ٹی آئی کے اکاؤنٹس میں پیسے غیر قانونی طریقے سے آئے، ان کے عہدیداروں کے کالے کرتوت ان اکاؤنٹس میں چھپے ہیں، تحقیقات میں تعاون نہ کیا تو قانون گرفتاری کی اجازت دیتا ہے

راولپنڈی ایکسپریس اسپتال میں داخل، قوم سے دعاؤں کی اپیل

 راولپنڈی ایکسپریس اسپتال میں داخل، قوم سے دعاؤں کی اپیل

ویب ڈیسک 6 اگست 2022

سڈنی: پاکستان کرکٹ ٹیم کے سابق اسپیڈ اسٹار شعیب اختر کو اسپتال میں داخل کرلیا گیا ہے، انہوں نے قوم سے دعاؤں کی اپیل کردی۔

شعیب اختر نے آسٹریلیا کے اسپتال سے ایک ویڈیو سوشل میڈیا اکاؤنٹ پر شیئر کرتے بتایا کہ ان کا گُھٹنے کا آپریشن ہونے جارہا ہے جو کہ آٹھ گھنٹوں پر محیط ہوگا۔

اپنے ویڈیو پیغام میں سابق اسپیڈ اسٹار نے کہا کہ میں ایک بات کہنا چاہوں گا کہ میں نے پاکستان کے لیے بولرکے طور پر کھیلا جس پر مجھے فخر ہے۔

 

لیکن مجے یہ سرجری کروانی پڑے گی اور اس سے مکمل صحتیاب ہونے اور درد ختم ہونے میں دو سے تین ہفتے درکار ہوں گے۔

راولپنڈی ایکسپریس نے کہا کہ اس دوران انہیں دعاؤں کی سخت ضرورت ہے، مجھے امید ہے یہ میری آخری سرجری ہوگی۔

یہ بھی پڑھیں: احمد شہزاد کپتان مقرر

واضح رہے کہ شعیب اختر کے گھٹنوں کے ٹشوز اور ہڈیاں متاثر ہوچکے ہیں جس کے بارے میں وہ اپنے سوشل میڈیا اکاؤنٹ پر آگاہ کرتے رہے ہیں۔

یاد رہے کہ شعیب اختر نے دسمبر انیس سو ستانوے میں ویسٹ انڈیز کے خلاف کھیل سے کیریئر کا آغاز کیا تھا، انہوں نے چھیالیس ٹیسٹ میچ کھیلے، جس میں انہوں نے مجموعی طور پر 178 وکٹیں حاصل کیں۔

شعیب اختر نے 163 ون ڈے میچز میں 247 جب کہ 15 ٹی ٹوئنٹی میچز میں 19 وکٹیں حاصل کیں، مارچ دوہزار گیارہ میں انہوں نے کرکٹ کو خیر باد کہہ دیا تھا

پی ٹی آئی کا 14 اگست کو اسلام آباد میں پاور شو کا اعلان

 پی ٹی آئی کا 14 اگست کو اسلام آباد میں پاور شو کا اعلان

6 اگست‬‮ 2022

 

پاکستان تحریک انصاف نے الٹی میٹم دیئے جانے کے بعد 14 اگست کو اسلام آباد میں بڑا جلسہ کرنے کا فیصلہ کر لیا۔

تفصیلات کے مطابق پاکستان تحریک انصاف کا سیاسی کمیٹی کا اجلاس ہوا، اجلاس کی صدارت سابق وزیراعظم عمران خان نے کی، جبکہ اجلاس میں پارٹی کے سینئر رہنماؤں نے بھی شر کت کی۔ذرائع کے مطابق اجلاس کے دوران فیصلہ کیا گیا کہ 14 اگست کو حکومت مخالف وفاقی دارالحکومت میں بڑا جلسہ کیا جائے گا۔ یہ جلسہ پریڈ گراؤنڈ میں کیا جائے گا۔

گزشتہ روز پاکستان تحریک انصاف کے رہنما فواد چودھری نے حکومت کو الٹی میٹم دیتے ہوئے کہا تھا کہ چند روز میں اسلام آباد میں بڑا جلسہ کرینگے، اس میں حکومت کو اسمبلیاں تحلیل کرنے کی ڈیڈ لائن دیں گے، حکومت کو زیادہ سے زیادہ اس کیلئے ایک ماہ سے زائد کا وقت نہیں دے سکتے عمران خان، تحریک انصاف کے خلاف الیکشن کمیشن بہت جلدی میں ہے، چیف الیکشن کمشنر اور ان کے ممبران کے مستعفی ہونے کا مطالبہ کر رہے ہیں، ممکن نہیں یہ الیکشن کمیشن شفاف الیکشن کراسکے گا